كيف بتضحك
هههههههههههه
صاحب الضحكة هذي وسيع صدر , حبوب , طيوب ,
مجامل بشكل كبير , مسالم و على نياته , دايم مبسوط , بارد , أشين شيء إنه
يضحك أحياناً في مواقف غلط !!! يعني مواقف حزينة يجيك يضحك يصير ودك إنك
تصكه باللي معك , غبي , مليح
ههههههههههههاي
إنسان شايف نفسه , متكبر ,
ضحكه قليل , ثقيل , متسلط , يحس بالنقص , ثقيل دم , أحسن طريقة للتعامل
معه هي القمع و الشكم و عدم رفعه من أرضه عشان يعرف إن من تواضع لله رفعه
هاهاهاهاهاهاها
هذي ضحكة الجافي , إنسان مرتب يعني إذا
دخلت غرفته ما تلقى فيها عود طايح , كل شيء منظم و مرتب ... حتى الضحكة ,
مثقف و يلبس نظارات 12 بوصة ( وش البوصة أصلاً !!!) ... يعني نظارات أكبر من وجهه , ما يضحك كثير بس يبتسم واجد
, شكله كذا يخليك ترتاح له و تشكي له , عادةً تلقى عنده الحل , لو ما لقيت
الحل أهم شيء ترتاح , كتوم
نياهاهاها
إنسان شرير , يموت في
النذالة و الشر , قمة الوناسة عنده إنه يرج بيبسي و يعطي أحد يفكه له ,
عيونه يطلع منها شر , مركب ضروس ذهب عشان إذا ضحك تلمع و تقهر , أحسن طريقة
للتعامل معه هي العمل بمثل " إبعد عن الشر و غني له " لكن مهما حاولت
تبتعد عنه هو بيجيك لأنه يموت و يسوي فيك مقلب , لكن إنتبه تعطيه فرصة لأنه
لو ما قهر أحد يصدع راسه , الله يعين اللي حوله عليه
هههاااهاهااهاهههااههه
إنسان مضيع بمعنى الكلمة ,
يعني لو تسأله عن إسمه يقول ممكن الإتصال بصديق , إذا مضطر تدخل غرفته
إفتح الباب من بعيد عشان لا قدر الله و طاح شيء , العلك ما يطيح من فمه و
يقعد يمعط فيه بعد يعني يمسك طرف العلكة بسنه و الطرف الثاني بيده و هات يا
تمعيط و يلوي فيه و يسوي حركات بهلوانية , إنسان لو تصفق فيه و تهزئه ما
درا عنك ... يحسبك تتكلم عن ولد الجيران , الدنيا ما قامت ولا قعدت عنده ,
الشيء الوحيد اللي يستفزة إنك تتكلم على أمه او أبوه يقالك بار , و هو كيس
الزبالة يخيس عند الباب ما طلعه
هه هه هه هه
إنسان متردد , يفكر 60 مرة
قبل لا يسوي شيء , رومانسي , يراعي مشاعر الآخرين , خدوم , يحب يساعد حتى
لو ما يقدر يدبرها باللي هوب , إن صادفك أحد من هالنوع تمسك فيه بيدينك و
رجولك لأن النوعية هذي نادرة
الخميس يوليو 22, 2010 2:05 pm
